കൊല്ലം: കണ്ണൂരില്‍ ബി.ജെ.പി പ്രവര്‍ത്തകനെ കൊലപ്പെടുത്തിയ സംഭവത്തില്‍ പ്രതിഷേധിച്ച് ബി.ജെ.പി ആഹ്വാനം ചെയ്ത ഹര്‍ത്താല്‍ കൊല്ലത്ത് പലയിടത്തും ആക്രമണത്തില്‍ കലാശിച്ചു. പുലര്‍ച്ചെ 2.45ന് ശാസ്താംകോട്ട സിനിമാപറമ്പില്‍ നിന്നും മല്‍സ്യം കയറ്റിവരികയായിരുന്ന ആപ്പ വണ്ടി കയവ അമ്പലമുക്കില്‍ അക്രമികള്‍ അടിച്ചുതകര്‍ത്തു. അതോടൊപ്പം തന്നെ കരുനാഗപ്പള്ളി താലൂക്ക് ആശുപത്രിയിലേക്ക് രോഗിയുമായി വന്ന ഡോക്ടറുടെ കാര്‍ അടിച്ചുതകര്‍ക്കുകയും ഹര്‍ത്താലനുകൂലികള്‍ കാറിലുള്ളവരെ മര്‍ദ്ദിക്കുകയും ചെയ്തു.

കൊല്ലം സിറ്റിയില്‍ ബിഷപ്പ് ജെറോം ഇന്‍സ്റ്റിറ്റ്യൂട്ടിന് സമീപത്തെ എസ്.ബി.ടിയിലും ഹര്‍ത്താലനുകൂലികള്‍ അക്രമം നടത്തുകയും ഇടപ്പാടുകാരെ മര്‍ദ്ദിക്കുകയും ചെയ്തു. കൂടാതെ ബാങ്കിന്റെ ജനല്‍ച്ചില്ലകള്‍ അടിച്ചുതകര്‍ക്കുകയും ചെയ്തു.