ഷൊര്‍ണൂര്‍: വേദം, സംസ്‌കൃതം, അക്ഷരശ്ലോകം എന്നീ മണ്ഡലങ്ങളില്‍ പണ്ഡിതനായിരുന്ന പരുത്തിപ്ര ചേര്‍ത്തല മനക്കല്‍ വിഷ്ണു നമ്പൂതിരിയുടെ സ്മാരണാര്‍ത്ഥം വര്‍ഷംതോറും നല്‍കിവരാറുള്ള എന്‍ഡോവ്‌മെന്റ് പുരസ്‌കാരം പ്രസിദ്ധ വ്യാകരണ പണ്ഡിതനും, തൃപ്പൂണിത്തറ സംസ്‌കൃതകോളജ് റിട്ട:പ്രൊഫസറുമായ പ്രൊഫസര്‍ കൃഷ്ണകുമാറിന് ലഭിച്ചു. ഈ മാസം 14ന് ഷൊര്‍ണൂര്‍ വെച്ചുനടക്കുന്ന ചടങ്ങില്‍ കലാമണ്ഡലം കല്‍പിത സര്‍വ്വകലാശാല രജിസ്റ്ററര്‍ ഡോ:കെ.കെ.സുന്ദരേശന്‍ പുരസ്‌കാരം സമര്‍പ്പിക്കും. നഗരസഭ ചെയര്‍പേഴ്‌സന്‍ വി.വിമല, നഗരസഭായംഗം ലതാ ജോബി എന്നിവര്‍ വിശിഷ്ടാതിഥികളായിരിക്കും. പാലാനാരായണന്‍ നായര്‍, പ്രൊഫസര്‍ വെങ്കിട രാജശര്‍മ്മ, കെ.പി.സി.നാരായണന്‍ ഭട്ടത്തിരിപ്പാട്, പശുപതി നമ്പൂതിരി എന്നിവരാണ് മുന്‍വര്‍ഷങ്ങളില്‍ പുരസ്‌കാരം നേടിയവര്‍. ചടങ്ങിനോടനുബന്ധിച്ച് തായമ്പക, ശാസ്ത്രീയ സംഗീതകച്ചേരി, കാവ്യകേളി, അക്ഷരശ്ലോകം എന്നിവയും ഉണ്ടായിരിക്കും. ഭാരവാഹികളായ ബ്രഹ്മദത്തന്‍ നമ്പൂതിരി, സി.എം.നീലകണ്ടന്‍ എന്നിവര്‍ കാര്യങ്ങള്‍ വിശദീകരിച്ചു.