പെരിയ: റബര്‍ ഓയില്‍ കൊണ്ടുപോവുകയായിരുന്ന ടാങ്കര്‍ ലോറി ചാലിങ്കാലില്‍ നിയന്ത്രണം വിട്ടു മറിഞ്ഞു.
ഗ്യാസ് ടാങ്കറാണെന്ന സംശയത്തിന്റെ അടിസ്ഥാനത്തില്‍ സ്ഥലത്തെത്തിയ നാട്ടുകാരും പൊലിസും ഇരുഭാഗത്തും വാഹനങ്ങള്‍ തടഞ്ഞു. റബര്‍ ഓയിലാണെന്ന് വ്യക്തമായതിനെ തുടര്‍ന്നാണു വാഹനങ്ങളെ കടത്തി വിട്ടത്.
ടാങ്കറില്‍ നിന്ന് ഓയില്‍ ചോര്‍ച്ചയുണ്ടായി. പാതയുടെ നാടുവിലേക്കാണു ടാങ്കര്‍ ലോറി മറിഞ്ഞത്. മുംബൈയില്‍ നിന്നു എറണാകുളം ഭാഗത്തേക്കു പോവുകയായിരുന്നു ലോറി. ഇന്നലെ വൈകുന്നേരം ആറോടെയാണു സംഭവം.