ന്യൂഡല്‍ഹി:ബ്രിക്‌സ് സമ്മേളനത്തില്‍ ഇന്ത്യയും റഷ്യയും തമ്മില്‍ അഞ്ച് ബില്യന്‍ ഡോളറിന്റെ ആയുധക്കരാര്‍ ഒപ്പിടും. റഷ്യയില്‍ നിന്നും എസ് 400 ഭൂതല ആകാശ മിസൈല്‍ വാങ്ങാനാണ് കരാര്‍. ബ്രിക്‌സ് സമ്മേളനത്തിനിടെ പ്രധാനമന്ത്രി നരേന്ദ്ര മോദിയും റഷ്യന്‍ പ്രസിഡന്റ് വ്‌ളാദ്മിര്‍ പുടിനും  കൂടിക്കാഴ്ച നടത്തുന്നുണ്ട്.
ഈ അവസരത്തില്‍ കരാര്‍ ഒപ്പിടുമെന്നാണ് കരുതുന്നത്. റഷ്യയില്‍ നിന്നും എസ് 400 മിസൈലുകള്‍ വാങ്ങാന്‍ കഴിഞ്ഞ ഡിസംബറിലാണ് പ്രതിരോധ മന്ത്രാലയം അനുമതി നല്‍കിയത്. ഇത്തരത്തിലുള്ള അഞ്ച് മിസൈലുകളാണ് വാങ്ങാന്‍ ഉദ്ദേശിക്കുന്നത്.