തിരൂര്‍: താഴേപാലം പാംസ് ഫര്‍ണിച്ചര്‍ സ്ഥാപനത്തില്‍ തീപിടുത്തം. ഫയര്‍ഫോഴ്‌സ് അധികൃതര്‍ ഉടന്‍ തന്നെ സ്ഥലത്തെത്തി തീയണച്ചതിനാല്‍ വന്‍ ദുരന്തം ഒഴിവായി. ഇന്നലെ  വൈകീട്ട് ഏഴോടെയായിരുന്നു സംഭവം.
ഹര്‍ത്താല്‍ ആയതിനാല്‍ ഇന്നലെ കട തുറന്നിരുന്നില്ല. ഇതിനിടെ കടയില്‍ നിന്നും പുക ഉയരുന്നത് നാട്ടുകാരുടെ ശ്രദ്ധയില്‍പ്പെടുകയായിരുന്നു. തുടര്‍ന്ന് വിവരമറിയിച്ചതിനെ തുടര്‍ന്ന് ഫയര്‍ഫോഴ്‌സ് യൂനിറ്റെത്തി തീയണക്കുകയായിരുന്നു. തീപിടുത്തത്തിന്റെ കാരണം വ്യക്തമല്ല. തിരൂര്‍ പൊലിസ് കേസെടുത്തു.