കണ്ണൂര്‍: ട്രെയിനില്‍ കടത്തുകയായിരുന്ന 98 കുപ്പി മാഹി വിദേശ മദ്യം കണ്ണൂര്‍ റെയില്‍വേ പൊലിസ് പിടികൂടി. പൊലിസ് പരിശോധന നടത്തുന്നതുകണ്ട് കൊണ്ടുവന്നവര്‍ രക്ഷപ്പെട്ടു. ഇന്നലെ രാവിലെ 11ഓടെ കോയമ്പത്തൂര്‍-മംഗളൂരു ഇന്റര്‍സിറ്റി എക്‌സ്പ്രസില്‍ നിന്നാണ് അരലിറ്റര്‍ വീതമുള്ള 98 കുപ്പി മദ്യം പിടികൂടിയത്. ട്രെയിനിന്റെ ജനറല്‍ കോച്ചില്‍ മൂന്ന് കാരി ബാഗിലായാണ് മദ്യം സൂക്ഷിച്ചിരുന്നത്. സി.ഐ എ.പി വേണു, സിവില്‍ പൊലിസ് ഓഫിസര്‍മാരായ മനോജ് കുമാര്‍, റാഷിദ്, സുരേശന്‍, അമൃത് കുമാര്‍ എന്നിവരാണ് പരിശോധനയിലുണ്ടായിരുന്നത്.