കാസര്‍കോട്: എസ്.വൈ.എസ് മണ്ഡലം കമ്മിറ്റി സംഘടിപ്പിക്കുന്ന റിഫൈന്‍ നേതൃസംഗമവും പുതുതായി തിരഞ്ഞെടുക്കപ്പെട്ട എസ്.വൈ.എസ് ജില്ലാ കമ്മിറ്റി ഭാരവാഹികള്‍ക്കുള്ള സ്വീകരണവും 22നു രാവിലെ 10 നു കാസര്‍കോട് പഴയ ബസ് സ്റ്റാന്‍ഡിലുള്ള വ്യാപാര ഭവന്‍ ഓഡിറ്റേറിയത്തില്‍ നടക്കും.
സമസ്ത ജില്ലാ ജനറല്‍ സെക്രട്ടറി യു.എം അബ്ദു റഹ്മാന്‍ മുസലിയാര്‍ ഉദ്ഘാടനം ചെയ്യും. 'സംഘടന പ്രവര്‍ത്തനം എന്തിന്, എങ്ങനെ' എന്ന വിഷയത്തില്‍ പിണങ്ങോട്ട് അബൂബക്കറും 'ഐ.എസ് സലഫിസം ഫാസിസം; ജാഗ്രതയുടെ അനിവാര്യത' എന്ന വിഷയത്തില്‍ നൗഫല്‍ ഹുദവി കൊടുവള്ളിയും സംസാരിക്കും. മൂന്നിനു നടക്കുന്ന സംഘടനാ ശാക്തീ കരണ കാംപയിന്റെ ഉദ്ഘാടനം എസ.് വൈ.എസ് ജില്ലാ പ്രസിഡന്റ് ടി.കെ പൂക്കോയ തങ്ങള്‍ ചന്തേര ഉദ്ഘാടനം ചെയ്യും.
മണ്ഡലം യോഗം സമസ്ത മണ്ഡലം സെക്രട്ടറി പി.വി അബ്ദു സലാം ദാരിമി ആലംപാടി ഉദ്ഘാടനം ചെയ്തു. ബദ്‌റുദ്ധീന്‍ ചെങ്കള അധ്യക്ഷനായി. എം.എ ഖലീല്‍ സംസാരിച്ചു.