ആലുവ: നഗരത്തിലെ ഗതാഗത പരിഷ്‌കാര നടപടികള്‍ക്ക് പച്ചക്കൊടി. ഇന്നലെ ചേര്‍ന്ന ട്രാഫിക്ക് അഡൈ്വസറി ബോര്‍ഡ് യോഗത്തിലാണ് നഗരത്തില്‍ നിരവധി ഗതാഗത പരിഷ്‌കാര നടപടികള്‍ക്ക് തീരുമാനമായത്.
ഗതാഗത പരിഷ്‌കാരത്തിനും റോഡുകളും, ജങ്ഷനുകളും വീതികൂട്ടുന്നതിനായി മാസ്റ്റര്‍പ്ലാന്‍ തയ്യാറാക്കും.
നഗരത്തിന്റെ വിവിധ ഭാഗങ്ങളില്‍ നിരീക്ഷണ കാമറകള്‍ സ്ഥാപിക്കും.
മാര്‍ക്കറ്റ് റോഡിലെ സുഗമമായ ഗതാഗതത്തിനായി ഉച്ചയ്ക്ക് 3 മുതല്‍ വൈകിട്ട് 6 വരെ വാഹനങ്ങളുടെ കയറ്റിറക്ക് അനുവദിക്കില്ല.
നഗരത്തിലെ അനധികൃത പാര്‍ക്കിംഗിന് കര്‍ശന നിയന്ത്രണം ഏര്‍പ്പെടുത്തുവാനും, പെരുമ്പാവൂര്‍ ഭാഗത്തേക്കുള്ള കെ.എസ്.ആര്‍.ടി.സി. ബസ്സുകള്‍ ഇടത്തോട്ട് തിരിഞ്ഞ് ടൗണ്‍ചുറ്റി പോകണമെന്നും, സ്വകാര്യബസ്സുകളുടെ പലതവണയുള്ള ടൗണ്‍ചുറ്റല്‍ അവസാനിപ്പിക്കുവാനും യോഗത്തില്‍ തീരുമാനിച്ചു.
യോഗത്തില്‍ അന്‍വര്‍ സാദത്ത് എം.എല്‍.എ അധ്യക്ഷത വഹിച്ചു. ജനപ്രതിനിധികളും, വിവിധ വകുപ്പ് മേധാവികള്‍, ഉദ്യോഗസ്ഥര്‍, രാഷ്ട്രീയ പാര്‍ട്ടി പ്രതിനിധികള്‍ പങ്കെടുത്തു.



















































േോ്ോഉ്‌ിേപര്മ