കുന്ദമംഗലം: മലിനജലം തോട്ടിലേക്ക് ഒഴുക്കിയതിനെ തുടര്‍ന്നു നാട്ടുകാര്‍ ഐ.ഐ.എം ഗേറ്റ് ഉപരോധിച്ചു. ഐ.ഐ.എമ്മിനു സമീപത്തെ മനത്താനത്ത് ക്ഷേത്രം പരിസരം മുതല്‍ ഒവുങ്ങര വരെയുള്ള ഭാഗത്തെ തോട്ടിലാണു മാലിന്യം ഒഴുക്കിയത്.
അതേസമയം, സ്ഥാപനത്തില്‍നിന്നുള്ള മലിനജലമല്ല തോട്ടിലെത്തുന്നതെന്ന് ഐ.ഐ.എം അധികൃതര്‍ പറഞ്ഞു. സ്ഥാപനത്തില്‍നിന്ന് 20 ദിവസത്തേക്കു ശുദ്ധ-മലിന ജലം പുറത്തേക്ക് ഒഴുക്കില്ലെന്ന് ഐ.ഐ.എം സീനിയര്‍ അഡ്മിനിസ്‌ട്രേറ്റിവ് ഓഫിസര്‍ സെട്രിക് തോമസ് പറഞ്ഞു. സമീപത്തെ ഹോട്ടലടക്കമുള്ള സ്ഥാപനങ്ങളിലെ മലിനജലമാണു തോട്ടിലെത്തുന്നതെന്ന് സെട്രിക് തോമസ് പറഞ്ഞു.
ഉപരോധ സമരത്തിനു ഗ്രാമപഞ്ചായത്ത് പ്രസിഡന്റ് ടി.കെ സീനത്ത്, വൈസ് പ്രസിഡന്റ് വിനോദ് പടനിലം, മെമ്പര്‍മാരായ എം.വി ബൈജു, പി. പവിത്രന്‍, ബഷീര്‍ പടാളിയില്‍ നേതൃത്വം നല്‍കി.