മുതുകുളം : ബൈക്കില്‍എത്തിയ മോഷ്ടാവ് റോഡില്‍ കൂടി നടന്നു പോയ മുന്‍ ബ്ലോക്ക് പഞ്ചായത്ത് അംഗത്തിന്റെ മാല പൊട്ടിക്കാന്‍ ശ്രമം. കണ്ടല്ലൂര്‍ തെക്ക് ബിന്ദു ഭവനത്തില്‍ ബാബുവിന്റെ ഭാര്യ നളിനിയുടെ മാലയാണ് ബൈക്കില്‍ ഹെല്‍മറ്റു ധരിച്ചെത്തിയ ആള്‍ പൊട്ടിക്കാന്‍ ശ്രമിച്ചത്. ഇന്നലെ ഉച്ചയോടെ ബാങ്കില്‍ നിന്നും പണം എടുത്ത് മാടവന റോഡില്‍ കൂടി നടന്നു പോകുമ്പോഴാണ് ആക്രമണമുണ്ടായത്.
ബൈക്കിലെത്തിയ ആള്‍ അടുത്തെത്തി അപ്രതീക്ഷിതമായി മാലയില്‍ പിടിച്ച് വലിക്കുകയായിരുന്നു. കട്ടിയുള്ള മാല ആയതിനാല്‍ പൊട്ടിയില്ല.നളിനി മോഷ്ടാവിന്റെ കൈ തട്ടി മാറ്റിയതോടെ മാലയില്‍ നിന്നുള്ള പിടുത്തം വിട്ടു.
ബഹളം കേട്ട് സമീപവാസികള്‍ ഓടി എത്തിയപ്പോഴേക്കും മോഷ്ടാവ് കടന്നു കളഞ്ഞു. കനകക്കുന്ന് പൊലീസില്‍ പരാതി നല്‍കി.