കണ്ണൂര്‍: സംസ്ഥാന സ്‌കൂള്‍ നോര്‍ത്ത് സോണ്‍ ഗെയിംസ് മത്സരങ്ങള്‍ക്ക് കണ്ണൂരില്‍ തുടക്കമായി. കാസര്‍കോട് മുതല്‍ തൃശ്ശൂര്‍ വരെയുള്ള ഏഴു ജില്ലകളില്‍ നിന്നുള്ള ടീമുകളാണ് നോര്‍ത്ത് സോണ്‍ മത്സരത്തില്‍ പങ്കെടുക്കുന്നത്. ജൂനിയര്‍ വിഭാഗത്തില്‍ 12 ഇനങ്ങളിലുള്ള മത്സരങ്ങള്‍ ഇന്നലെ പൂര്‍ത്തിയായി.
സീനിയര്‍ വിഭാഗത്തില്‍ ഫുട്‌ബോള്‍, ഹോക്കി, ഹാന്‍ഡ്‌ബോള്‍ എന്നീ മത്സരങ്ങള്‍ ഇന്നു നടക്കും. നോര്‍ത്ത് സോണില്‍ വിജയിക്കുന്ന ആദ്യ മൂന്നു സ്ഥാനക്കാര്‍ക്ക് സംസ്ഥാനതലത്തില്‍ യോഗ്യത ലഭിക്കും.