കോഴിക്കോട്: മുഖ്യമന്ത്രി ഉമ്മന്‍ചാണ്ടി റിയല്‍ എസ്‌റ്റേറ്റുകാരുടെ ഏജന്റെന്ന് വി.എസ് അച്യുതാനന്ദന്‍. തന്റെ ഫെയ്‌സ്ബുക്കിലാണ് മുഖ്യമന്ത്രിക്കെതിരായ പരാമര്‍ശം വി.എസ് കുറിച്ചത്. മൂന്നടി മണ്ണ് ഭിക്ഷയായി യാചിച്ച വാമനന് മണ്ണ് അളന്നെടുക്കാന്‍ അനുവാദം നല്‍കിയ മഹാബലിയുടെ അവസ്ഥയിലാണ് മലയാളികള്‍. പാവം പോലെ വന്ന് യാചിച്ച് അധികാരം നേടിയ ശേഷം മുഖ്യമന്ത്രി ഉമ്മന്‍ചാണ്ടി അഞ്ചു വര്‍ഷം കൊണ്ട് കേരളമാകെ കോര്‍പ്പറേറ്റുകള്‍ക്ക് അളന്നു നല്‍കി. ഇനി അടുത്ത കാല്‍ നമ്മുടെ തലയില്‍ വയ്ക്കാനായി ഉയര്‍ത്തി പിടിച്ചിരിക്കുകയാണ്.