ആലക്കോട്: വില്‍പ്പനയ്ക്കായി സൂക്ഷിച്ച 10 ലിറ്റര്‍ ചാരായവുമായി യുവാവ് അറസ്റ്റില്‍. ആലക്കോട് കാവുംകുടി സ്വദേശി ചപ്പിലി അനൂപ് (27) ആണ് എക്‌സൈസ് സംഘത്തിന്റെ പിടിയിലായത്. ഇന്നലെ രാവിലെ 11ഓടെ കാവുംകുടിയില്‍ വച്ചായിരുന്നു അറസ്റ്റ്. എക്‌സൈസ് പ്രിവന്റീവ് ഓഫീസര്‍മാരായ സി.സി രാജന്‍, എബി തോമസ്, സിവില്‍ എക്‌സൈസ് ഓഫീസര്‍ മാരായ പി.കെ രാജീവ്, ഉല്ലാസ് ജോസ്, കെ.ജി മുരളീദാസ് എന്നിവരുടെ നേതൃത്വത്തിലായിരുന്നു പരിശോധന. തളിപ്പറമ്പ് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.