കണ്ണൂര്‍: തൊഴിലാളികളുടെ ആവശ്യങ്ങളും, അവകാശങ്ങളും, സംരക്ഷിക്കുന്നതിന് അതിശക്തമായ പോരാട്ടം നടത്തുന്ന ഐ.ന്‍.ടി.യു.സി കോണ്‍ഗ്രസിന്റെ നട്ടെല്ലായി പ്രവര്‍ത്തിക്കണമെന്ന് മുന്‍ മന്ത്രി കെ സുധാകരന്‍. കണ്ണൂരില്‍ കേരളാ ടെക്‌സ്റ്റൈല്‍ വര്‍ക്കേഴ്‌സ് ഫെഡറേഷന്‍ (ഐ.ന്‍.ടി.യു.സി) സംസ്ഥാന സമിതി യോഗം ഉദ്ഘാടനം ചെയ്യുകയായിരുന്നു അദ്ദേഹം. ഇന്ത്യയില്‍ തൊഴിലാളി പ്രസ്ഥാനത്തിന് ജന്മം നല്‍കിയത് കോണ്‍ഗ്രസാണ്. കോണ്‍ഗ്രസ് എക്കാലവും തൊഴിലാളികള്‍ക്ക് താങ്ങും തണലും ആയി പ്രവര്‍ത്തിച്ചിട്ടുണ്ടെന്നും സുധാകരന്‍ പറഞ്ഞു. കേരളാ ടെക്‌സ്റ്റൈല്‍ വര്‍ക്കേഴ്‌സ് ഫെഡറേഷന്‍ പ്രസിഡന്റ് കെ സുരേന്ദ്രന്‍ അധ്യക്ഷനായി. വി.വി ശശീന്ദ്രന്‍, വി വല്‍സരാജ്, കെ മണീശന്‍, അഡ്വ. ടി.ഒ മോഹനന്‍, കെ കരുണാകരന്‍, എം മണി, കെ ഉദയകുമാര്‍, മുഹമ്മദ് ഇക്ബാല്‍, ഒ.എസ് രാജന്‍, കെ ഗോപാലകൃഷ്ണന്‍ സംസാരിച്ചു.