ബംഗളൂരു: ലോങ് ജംപ് പിറ്റിലേക്ക് തിരിച്ചെത്താന്‍ ഒരുങ്ങുന്നതായി മൈക്ക് പവല്‍. ലോങ് ജംപിലെ ലോക റെക്കോര്‍ഡ് സ്വന്തമായുള്ള അമേരിക്കന്‍ താരമാണ് 52 കാരനായ പവല്‍. റിയോ ഒളിംപിക്‌സിനുള്ള യോഗ്യതാ പോരാട്ടത്തില്‍ മാറ്റുരയ്ക്കുമെന്നു പവല്‍ വ്യക്തമാക്കി.

1991ല്‍ അദ്ദേഹം സ്ഥാപിച്ച 8.95 മീറ്ററിന്റെ റെക്കോര്‍ഡ് ദൂരം 25 വര്‍ഷമായി തകരാതെ നില്‍ക്കുകയാണ്. ലോക ചാംപ്യന്‍ഷിപ്പില്‍ രണ്ടു തവണ സ്വര്‍ണവും ഒരു വെങ്കലവും രണ്ടു ഒളിംപിക്‌സ് വെള്ളി മെഡലുകളുമാണ് അദ്ദേഹത്തിന്റെ നേട്ടം.