കൊച്ചി: നഗരത്തില്‍ കഞ്ചാവും കഞ്ചാവ് ചെടിയുമായി രണ്ടുപേര്‍ പൊലിസ് പിടിയിലായി. വര്‍ഗീസ് മാത്യു (26), ജോജി റാം (27) എന്നിവരാണ് കൊച്ചി സിറ്റി ഷാഡോ പൊലിസിന്റെ പിടിയിലായത്.
പനമ്പിള്ളി നഗറില്‍ സ്വന്തം വസതിയില്‍ കഞ്ചാവ് ചെടി വളര്‍ത്തിയതിനാണ് വര്‍ഗീസ് മാത്യുവിനെ പൊലിസ് പിടികൂടിയത്. ജോജിയെ പിടികൂടുമ്പോള്‍ ഇയാളുടെ കൈയില്‍ വില്‍പ്പനയ്ക്കു സൂക്ഷിച്ചിരുന്ന 40 പൊതി കഞ്ചാവും ഉണ്ടായിരുന്നു. ഡെപ്യൂട്ടി പൊലിസ് കമ്മിഷണര്‍ ഡോ. അരുള്‍ ആര്‍.ബി കൃഷ്ണയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് റെയ്ഡ് നടന്നത്. സ്‌പെഷ്യല്‍ ബ്രാഞ്ച് അസിസ്റ്റന്റ് കമ്മിഷണര്‍ കെ.ജി ബാബുകുമാര്‍ റെയ്ഡിന് നിര്‍ദേശം നല്‍കി. റെയ്ഡിന് ഷാഡോ എസ്.ഐ നിത്യാനന്തന്‍ നേതൃത്വം നല്‍കി. കൊച്ചി സിറ്റിയെ ലഹരിവിമുക്തമാക്കുന്നതിനായുള്ള കൊച്ചി സിറ്റി പൊലിസിന്റെ ഓപ്പറേഷന്റെ ഭാഗമായാണ് റെയ്ഡ് നടന്നത്.
റെയ്ഡില്‍ സിവില്‍ പൊലിസ് ഓഫിസര്‍മാരായ ആന്റണി ടെറന്‍സ, സാനു, വിനോദ്, വാവ ടി.എസ്, വേണു, യൂസഫ് എന്നിവര്‍ പരിശോധനയ്ക്ക് നേതൃത്വം നല്‍കി.