ഭൂവിഭവ സംരക്ഷണ ബോധവത്കരണ പരിപാടികളുടെ ഭാഗമായി സംസ്ഥാന ഭൂവിനിയോഗ ബോര്‍ഡ് സ്‌കൂള്‍ വിദ്യാര്‍ത്ഥികള്‍ക്കായി ചിത്രരചനാ മത്സരം സംഘടിപ്പിക്കുന്നു. ഒക്ടോബര്‍ 22ന് തിരുവനന്തപുരം മ്യൂസിയം കോമ്പൗണ്ടില്‍ നടത്തുന്ന മത്സരം എല്‍.പി/യു.പി/ഹൈസ്‌കൂള്‍ വിഭാഗങ്ങള്‍ക്കായി പ്രത്യേകം സംഘടിപ്പിക്കും.

പങ്കെടുക്കാന്‍ ആഗ്രഹിക്കുന്ന വിദ്യാര്‍ത്ഥികള്‍ 22ന് രാവിലെ 9.30 ന് മുമ്പ് മ്യൂസിയം കോമ്പൗണ്ടിലെ മണ്ഡപത്തില്‍ എത്തണം. സ്‌കൂള്‍ തിരിച്ചറിയല്‍ കാര്‍ഡും, ചിത്രരചനയ്ക്കാവശ്യമായ സാമഗ്രികളും കൊണ്ടുവരണം. വരയ്ക്കുന്നതിനാവശ്യമായ ഡ്രോയിംഗ് പേപ്പര്‍ രജിസ്‌ട്രേഷനുശേഷം നല്‍കും.

എല്‍.പി വിഭാഗത്തില്‍ ക്രയോണ്‍/വാട്ടര്‍ കളര്‍, യു.പി, ഹൈസ്‌കൂള്‍ വിഭാഗങ്ങള്‍ക്ക് വാട്ടര്‍ കളര്‍ എന്നിവയാണ് ചിത്രരചനയ്ക്കായി ഉപയോഗിക്കേണ്ടത്. പങ്കെടുക്കാന്‍ ആഗ്രഹിക്കുന്നവര്‍ സ്‌കൂള്‍ അധികൃതര്‍ മുഖേനയോ, ഫോണിലൂടെയോ നേരിട്ടോ മുന്‍കൂട്ടി ബന്ധപ്പെടണം.

വിലാസം : ഭൂവിനിയോഗ കമ്മീഷണര്‍, കേരള സംസ്ഥാന ലാന്‍ഡ് യൂസ് ബോര്‍ഡ്, വികാസ്ഭവന്‍, തിരുവനന്തപുരം  695 033. ഫോണ്‍ : 0471  2302231, 2307830 (മൊബൈല്‍  8138849999) ഇമെയില്‍ : [email protected], വെബ്‌സൈറ്റ് :www.kslub.kerala.gov.in.