കൊടകര: വെള്ളിക്കുളങ്ങര പി.സി.ജി.എച്ച്.എസ് പി.ടി.എയുടെ ആഭിമുഖ്യത്തില്‍ 19ാമത് അഖില കേരള ഇന്റര്‍ സ്‌കൂള്‍ (പെണ്‍കുട്ടികള്‍) വോളിബോള്‍ ടൂര്‍ണമെന്റ് 21, 22 തിയതികളിലായി സ്‌കൂള്‍ അങ്കണത്തില്‍ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. 21 ന് രാവിലെ ഒന്‍പതിന് ഇന്ത്യന്‍ വോളിബോള്‍ താരം കിഷോര്‍ കുമാര്‍ ഉദ്ഘാടനം ചെയ്യും. ചാലക്കുടി ഡിവൈ.എസ്.പി പി.വാഹിദ് മുഖ്യാതിഥിയാകും. സി.ധന്യ ബാസ്റ്റിന്‍ അധ്യക്ഷയാകും. 22 ന് നടക്കുന്ന സമാപന സമ്മേളനത്തില്‍ വിദ്യാഭ്യാസ മന്ത്രി പ്രൊഫ. സി.രവീന്ദ്രനാഥ് ഉദ്ഘാടനവും സമ്മാനവിതരണവും നിര്‍വഹിക്കും. സി.മെഴ്‌സിലില്‍ മുഖ്യ പ്രഭാഷണം നടത്തും. മറ്റത്തൂര്‍ പഞ്ചായത്ത് പ്രസിഡന്റ് പി.സി സുബ്രന്‍ അധ്യക്ഷനാവും. പ്രധാനാധ്യാപിക സി.ലിറ്റില്‍ ഗ്രേസ്, പി.ടി.എ പ്രസിഡന്റ് ബെന്നി താഴേക്കാടന്‍, പബ്ലിസിറ്റി ചെയര്‍മാന്‍ റഷീദ്, കെ.പി അരുണ്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.