ചാവക്കാട്: കേന്ദ്ര ദ്രുത കര്‍മ്മ സേന ആര്‍.എ.എഫ് 105 ബറ്റാലിയന്‍ പരിശീലനത്തിന്റെ ഭാഗമായി ചാവക്കാട് എത്തി. അസിസ്റ്റന്റ് കമാന്‍ഡര്‍ പി.ജി റോബിന്റെ നേതൃത്വത്തില്‍ സബ് ഇന്‍സ്‌പെക്ടര്‍ വി.വി വിജയകുമാര്‍ അടക്കം സംഘത്തില്‍ 30 പേരാണുള്ളത്. വജ്ര എന്ന വാഹനവുമായാണ് തീരദേശത്ത് നിരീക്ഷണം നടത്തിയത്. 17ന് ചാവക്കാട് എത്തിയ ബറ്റാലിയന്‍ 23 വരെ ജില്ലയിലെ റൂറല്‍ പൊലിസ് മേധാവിയുടെയും, കമ്മിഷണറുടെയും, പരിധിയിലുള്ള മേഖലകളില്‍ നിരീക്ഷണം നടത്തും. ചാവക്കാട് സി.ഐ പരിധിയിലെ കോട്ടപ്പുറം, ചാവക്കാട് ടൗണ്‍, എടക്കഴിയൂര്‍, തിരുവത്ര, ആനതലമുക്ക്, വടക്കേക്കാട്, എന്നിവടങ്ങളില്‍ നിരീക്ഷണം നടത്തി. ചാവക്കാട് അഡീഷനല്‍ എസ്.ഐ അനില്‍ മാത്യു സേനയെ അനുഗമിച്ചു.