കാസര്‍കോട്: ഇന്നലെ ചന്ദ്രഗിരിപ്പുഴയിലേക്കു ചാടിയ യുവാവിനായി അഗ്നിശമനാ സേനാപ്രവര്‍ത്തകരും നാട്ടുകാരും നടത്തിയ തിരച്ചില്‍ എങ്ങുമെത്തിയില്ല. ഇന്നലെ വൈകിട്ട് 5.15 മണിയോടെയാണ് സംഭവം. ആളുകള്‍ നോക്കിനില്‍ക്കെയാണ് ഇയാള്‍ പുഴയിലേക്ക് ചാടിയത്.
പാലത്തിനു മുകളില്‍ നിന്നും ചാടിയ ആള്‍ക്ക് 30നും 45നും ഇടയില്‍ പ്രായമുണ്ടെന്നു ദൃക്‌സാക്ഷികള്‍ പറയുന്നു. നീല ഷര്‍ട്ടും മുണ്ടുമായിരുന്നു വേഷം. വിവരമറിഞ്ഞ് കാസര്‍കോട് ടൗണ്‍ പൊലിസും അഗ്നിശമനാ സേനയും സ്ഥലത്തെത്തി ഇയാള്‍ക്ക് വേണ്ടി തിരച്ചില്‍ ആരംഭിച്ചു.
ശക്തമായ അടിയോഴുക്കു കാരണം ഇയാള്‍ ഒലിച്ചു പോയിട്ടുണ്ടാവാന്‍ സാധ്യതയുണ്ടെന്നു അഗ്നിശമന സേന അറിയിച്ചു. തിരച്ചില്‍ ഇന്നും തുടരും.