കല്‍പ്പറ്റ: കിഡ്‌നി ഫെഡറേഷന്‍ ഓഫ് ഇന്ത്യ വയനാട് ചാപ്റ്റര്‍ ജില്ലയില്‍ സൗജന്യ കിഡ്‌നി രോഗ നിര്‍ണയ ക്യാംപുകള്‍ നടത്തുന്നു.
ഈ മാസം 20ന് സ്‌നേഹ പെയിന്‍ ആന്‍ഡ് പാലിയേറ്റീവ് കെയറിന്റെ സഹകരണത്തോടെ കണിയാമ്പറ്റയിലും 21ന് ദീപിക ഫ്രണ്ട്‌സ് ക്ലബ്ബിന്റെ സഹകരണത്തോടെ കൊളവയല്‍ സെന്റ് ജോര്‍ജ് പള്ളി പരിസരത്തും 22ന് ആശ്രയ പെയിന്‍ ആന്‍ഡ് പാലിയേറ്റീവ് കെയറിന്റെ പങ്കാളിത്തത്തോടെ പനമരത്തും 23,24,25 തീയതികളില്‍ അമ്പലവയല്‍ പഞ്ചായത്ത് കമ്മ്യൂണിറ്റി ഹാളില്‍ വ്യാപാരി വ്യവസായി ഏകോപന സമിതി യൂണിറ്റ്, ദുബായ് ഗോള്‍ഡ്, അമ്പലവയല്‍ ഫുട്ബാള്‍ ക്ലബ്ബ്, എടക്കല്‍ മിഷന്‍ യൂത്ത് ഫോറം എന്നിവയുടെ സഹകരണത്തോടെയുമാണ് ക്യാംപെന്ന് ഫെഡറേഷന്‍ ചാപ്റ്റര്‍ കോ ഓര്‍ഡിനേറ്റര്‍ ഡോ.പി. ലക്ഷ്മണന്‍, ജോയിന്റ് കോ ഓര്‍ഡിനേറ്റര്‍ കെ.സി.മനോഹരന്‍, സെക്രട്ടറി കെ. ഷമീര്‍, എക്‌സിക്യൂട്ടീവ് കമ്മിറ്റിയംഗം റഷീദ് കരടിപ്പാറ, ഷാജി കരടിപ്പാറ എന്നിവര്‍ വാര്‍ത്താസമ്മേളനത്തില്‍ അറിയിച്ചു.
നാല് കേന്ദ്രങ്ങളിലും രാവിലെ ഒന്‍പത് മുതല്‍ ഉച്ചകഴിഞ്ഞ് രണ്ടുവരെയാണ് പരിശോധന. രോഗമോ ലക്ഷണങ്ങളോ സ്ഥിരീകരിക്കുന്നവര്‍ക്ക് മേപ്പാടി ഡി.എം വിംസുമായി സഹകരിച്ച് മിതനിരക്കില്‍ ചികിത്സ ലഭ്യമാക്കും. ക്യാംപുകളില്‍ പങ്കെടുക്കാന്‍ താല്‍പര്യമുളളവര്‍ക്ക്  944 716 1781, 944 753 8860,  944 774 7713 എന്നീ നമ്പറുകളില്‍ ബന്ധപ്പെടാം.