വടകര: തിരുവള്ളൂര്‍ ശാന്തിനികേതന്‍ ഹയര്‍സെക്കന്‍ഡറി സ്‌കൂളില്‍ ഗാന്ധിദര്‍ശന്‍ സമിതി പ്രസിദ്ധീകരിച്ച 'തിരുവള്ളൂരിന്റെ വാമൊഴി ചരിത്രം' എന്ന പുസ്തകത്തിന്റെ ലാഭവിഹിതം ഉപയോഗിച്ച് സ്‌കൂളിലേക്ക് വാങ്ങിയ വാട്ടര്‍കൂളര്‍ ഉദ്ഘാടനം ചെയ്തു. തിരുവള്ളൂര്‍ ഗ്രാമപഞ്ചായത്ത് മുന്‍ പ്രസിഡന്റ് കണ്ടിയില്‍ അബ്ദുള്ള എം.കെ വൈദ്യര്‍ക്ക് വെള്ളം നല്‍കിയാണ് ഉദ്ഘാടനം ചെയ്തത്. ദീര്‍ഘകാലം രോഗങ്ങള്‍കൊണ്ട് ബുദ്ധിമുട്ടുന്ന കുട്ടികള്‍ക്കുള്ള പ്രതിമാസ ചികിത്സാനിധി വിതരണം അമ്മാരപ്പള്ളി കുഞ്ഞിശങ്കരന്‍ നിര്‍വഹിച്ചു. പി.ടി.എ പ്രസിഡന്റ് പി.കെ യൂസഫ് അധ്യക്ഷനായി. എം അജിതകുമാരി, ടി.കെ കുഞ്ഞമ്മദ്, ഒ.കെ പ്രമോദ്, ഡി പ്രജീഷ്, വി ജാഫര്‍, പി ഹരിദാസ്, കെ പ്രദീപ്കുമാര്‍ സംസാരിച്ചു.