പയ്യോളി: അയനിക്കാട് മഠത്തില്‍ മുക്കില്‍ കോഴിത്തട്ടത്താഴ അഭിന്‍രാജ് മായനാരിയുടെ ബൈക്ക് കത്തിച്ച നിലയില്‍. സി.പി.എം പ്രവര്‍ത്തകനായ അഭിന്‍രാജിന്റെ വീട്ടുമുറ്റത്ത് നിര്‍ത്തിയിട്ടിരുന്ന ബൈക്ക് ആണ് സാമൂഹ്യവിരുദ്ധര്‍ കത്തിച്ചത്. ഒരുമാസം മുന്‍പ് വാങ്ങിയ ബുള്ളറ്റ് സ്റ്റാന്‍ഡേര്‍ഡ് 350 ആണ് കത്തിയത്. തീപിടുത്തത്തില്‍ ടയര്‍ പൊട്ടിത്തെറിച്ച ശബ്ദം കേട്ട് തൊട്ടടുത്ത് താമസിക്കുന്ന സി.ഐ സജീവന്‍ എത്തിയാണ് മറ്റ് രണ്ടു വാഹനങ്ങളിലേക്ക് തീപടരാതിരിക്കാന്‍ ശ്രമം നടത്തിയത്.