പാലക്കാട്: ഐ.ടി.മേഖലയിലെ തൊഴില്‍ ചൂഷണം ഒഴിവാക്കുന്നതിന് സര്‍ക്കാര്‍ ഉചിതമായ ഇട പെടല്‍ നടത്തുമെന്ന് തൊഴില്‍ വകുപ്പ് മന്ത്രി ടി.പി.രാമകൃഷ്ണന്‍ അറിയിച്ചു. വി.എസ്. അച്ചുതാനന്ദന്‍ നിയമസഭയില്‍ ഉന്നയിച്ച പ്രമേയത്തിന് മറുപടിയായാണ് മന്ത്രി അറിയിച്ചത്. ഐ.ടി മേഖലയില്‍ മിനിമം വേതനം, വനിതാ ജീവനക്കാര്‍ക്ക് പ്രസവാവവധി, തൊഴില്‍ സമയം കുറയ്ക്കണം തുടങ്ങിയ ആവശ്യങ്ങളാണ് വി.എസ്. അച്ചുതാനന്ദന്‍ പ്രമേയത്തില്‍ ആവശ്യപ്പെട്ടത്.
ഐ.ടി പാര്‍ക്കുകളും കമ്പനികളും തമ്മിലുള്ള കരാറുടമ്പടികളില്‍ നിയമാനുസൃത നിയന്ത്രണങ്ങള്‍, സേവന-വേതന വ്യവസ്ഥകള്‍ എന്നിവ കമ്പനികള്‍ പാലിക്കണമെന്ന് കര്‍ശനമായി നിഷ്‌ക്കര്‍ഷിച്ചിട്ടുണ്ടെന്ന് തൊഴില്‍ വകുപ്പ് മന്ത്രി അറിയിച്ചു.
ഇതില്‍ വീഴ്ച വരുത്തിയാല്‍ സര്‍ക്കാര്‍ ശക്തമായി ഇടപെടുമെന്നും മന്ത്രി അറിയിച്ചു.