മാനന്തവാടി: ഒ.ആര്‍ കേളു എം.എല്‍.എആയി തിരഞ്ഞെടുക്കപ്പെട്ടതിനെ തുടര്‍ന്ന് ഒഴിവുവന്ന മാനന്തവാടി ബ്ലോക്ക് പഞ്ചായത്ത് തിരുനെല്ലി ഡിവിഷനില്‍ ഇന്നലെ നടന്ന തിരഞ്ഞെടുപ്പില്‍ 64.65 പോളിങ് രേഖപ്പെടുത്തി. ആകെയുള്ള 10313 വോട്ടര്‍മാരില്‍ 3160 പുരുഷന്‍മാരും 3507 സ്ത്രീകളും ഉള്‍പ്പെടെ 6667 പേര്‍ വോട്ട് രേഖപ്പെടുത്തി.
രാവിലെ 8ന് 18 ബൂത്തുകളിലായാണ് വോട്ടെടുപ്പ് ആരംഭിച്ചത്. തുടക്കത്തില്‍ കനത്ത പോളിങ് രേഖപ്പെടുത്തിയെങ്കിലും ഉച്ചയോടെ മന്ദഗതിയിലാവുകയായിരുന്നു.
വോട്ടെണ്ണല്‍ ശനിയാഴ്ച രാവിലെ 10ന് മാനന്തവാടി ഗവ. വോക്കേഷനല്‍ ഹയര്‍ സെക്കന്‍ഡറി സ്‌കൂളില്‍ നടക്കും. 10.10 ഓടെ വിജയി ആരെന്നറിയാനാകും.