അഞ്ചരക്കണ്ടി: കോണ്‍ഗ്രസ്, ആര്‍.എസ്.എസ് പാര്‍ട്ടികളില്‍ നിന്നു രാജിവച്ച് സി.പി.എമ്മിലേക്കെത്തിയവര്‍ക്ക് സ്വീകരണം നല്‍കി. തെക്കന്‍ മേഖലാ വാഹന ജാഥക്ക് കാവിന്‍മൂലയില്‍ നല്‍കിയ സ്വീകരണത്തില്‍ ജാഥാ ലീഡര്‍ പി ജയരാജന്‍ ഹാരാര്‍പ്പണം നടത്തി.
കെ പുരുഷോത്തമന്‍ അധ്യക്ഷനായി. പി.കെ ശബരീഷ് കുമാര്‍, ചന്ദ്രന്‍ കല്ലാട്ട് സംസാരിച്ചു.
ചക്കരക്കല്‍ ബ്ലോക്ക് കോണ്‍ഗ്രസ് കമ്മിറ്റി ജനറല്‍ സെക്രട്ടറിയും യൂത്ത് കോണ്‍ഗ്രസ് അഞ്ചരക്കണ്ടി മണ്ഡലം പ്രസിഡന്റും ധര്‍മടം മണ്ഡലം വൈസ് പ്രസിഡന്റുമായ ചാലിക്കണ്‍ണ്ടി സുരേന്ദ്രന്‍, ഈരായി പ്രേംജിത്ത് ലാല്‍, പട്ടന്‍ ഷൈജു, ചന്ദ്രോത്ത് സതീശന്‍, മോഹനന്‍ ചാലിക്കണ്ടി, റീജിത്ത് ചാലിക്കണ്ടി, പി ജിജേഷ്, പി.പി രാധാകൃഷ്ണന്‍, കെ.വി മഹീന്ദ്രന്‍, ആര്‍.എസ്.എസ് അഞ്ചരക്കണ്ടി മണ്ഡല്‍ സമ്പര്‍ക്ക് പ്രമുഖ് വാടി പത്മനാഭന്‍, ബി.ജെ.പി അഞ്ചരക്കണ്ടി പഞ്ചായത്ത് ജന. സെക്രട്ടറി ബി ജയന്‍, ആര്‍.എസ്.എസ് ശാഖ മുഖ്യശിക്ഷക് എം ബിനോജ്, സി സനല്‍, ഇ.കെ അശ്വന്ത്, വാടിയാദവ്, പി ലാജിഷ്, പി ആനന്ദന്‍ എന്നിവര്‍ക്കാണ് സ്വീകരണം നല്‍കിയത്.