കണ്ണൂര്‍: മതബിരുദമുള്ള പണ്ഡിതര്‍ക്കു പ്രവാചക വൈദ്യശാസ്ത്രത്തില്‍ സര്‍വകലാശാലാ തലത്തിലുള്ള ഡിപ്ലോമ കോഴ്‌സിന്റെ വെല്‍ക്കം മീറ്റ് നാളെ  രാവിലെ 11നു കണ്ണൂര്‍ മെഡിസിറ്റിയില്‍ നടക്കുമെന്നു ഭാരവാഹികള്‍ അറിയിച്ചു. മലബാര്‍ അക്കാദമി ഓഫ് പ്രൊഫറ്റോപതി (മാപ്പ്) യാണ് കോഴ്‌സ് നടത്തുന്നത്. വിദേശത്തടക്കം നിരവധി തൊഴില്‍ സാധ്യതയുള്ള ത്വിബ്ബുന്നബവി പഠിക്കാനുദ്ദേശിക്കുന്ന മുഴുവന്‍ പണ്ഡിതര്‍ക്കും പങ്കെടുക്കാമെന്നു സഹചാരി ഭാരവാഹികളായ സലാം ദാരിമി കിണവക്കല്‍, ബഷീര്‍ അസ്അദി നമ്പ്രം, സിദ്ദീഖ് ഫൈസി വെണ്‍മണല്‍, മഹറൂഫ് മട്ടന്നൂര്‍ എന്നിവര്‍ അറിയിച്ചു.