ഗവേഷണ റിപ്പോര്‍ട്ടിന് പി.ജി വിദ്യാര്‍ഥികളുടെ പ്രോജക്ടിന്റെ നിലവാരം പോലുമില്ല. 8,39,213 രൂപ ബാങ്കില്‍ വെറുതേകിടക്കുന്നു. റിപ്പോര്‍ട്ട് പരിശോധിക്കാന്‍ എബ്രഹാം നിയോഗിച്ചവര്‍ വിഷയവിദഗ്ധരല്ല. പഠനം നയിച്ചവരില്‍ ടി.കെ ആനന്ദിക്ക് മാത്രമാണ് മുന്‍പരിചയമുള്ളത്. ടി.എന്‍ സീമ, പി.എസ് ശീകല, എസ്.പ്രിയ, എ.ജി ഒലീന എന്നിവര്‍ മലയാളം അധ്യാപകര്‍ മാത്രമാണ്.
 യൂനിവേഴ്‌സിറ്റി കോളജ് അധ്യാപികയായ പി.എസ് ശീകലയ്ക്ക് സന്നദ്ധസംഘടനയുടെ ഡയറക്ടറാകാന്‍ കേരള സര്‍വകലാശാലയുടെയോ സര്‍ക്കാരിന്റെയോ അനുമതിയില്ലെങ്കില്‍ പണമിടപാട് അസാധുവാകുമെന്നും പി.കെ മൊഹന്തി റിപ്പോര്‍ട്ടിലെഴുതി.  കേന്ദ്രസര്‍ക്കാരിന്റെ സബല പദ്ധതിയുടെ ഭാഗമായുള്ള പഠനത്തിനെന്ന പേരിലാണ് സ്ത്രീപഠനകേന്ദ്രത്തിന് പദ്ധതി നല്‍കിയത്.
എന്നാല്‍ സബല പദ്ധതിയുമായി ഇതിന് ഒരു ബന്ധവുമില്ലെന്നും മൊഹന്തിയുടെ അന്വേഷണത്തില്‍ കണ്ടെത്തി. ടെന്‍ഡറില്ലാതെയും പഠനത്തിന് വ്യവസ്ഥകളില്ലാതെയുമാണ് ഈ സംഘടനയെ തിരഞ്ഞെടുത്തത്.
ഓപ്പണ്‍ ടെന്‍ഡര്‍ വഴിയല്ലാതെ കണ്‍സള്‍ട്ടന്‍സിയെ തിരഞ്ഞെടുക്കില്ലെന്ന ചട്ടം ലംഘിക്കുകയും സ്റ്റേറ്റ് പ്ലാന്‍ഫണ്ടില്‍ നിന്ന് ചട്ടവിരുദ്ധവുമായി 43 ലക്ഷം മുന്‍കൂറായി അനുവദിക്കുകയും ചെയ്തു. സ്ത്രീപഠനകേന്ദ്രത്തിന് അനുകൂലമായ വ്യവസ്ഥകളോടെ ദുര്‍ബലമായ ധാരണാപത്രമുണ്ടാക്കിയെന്നും കണ്ടെത്തി.