എടപ്പാള്‍: ആളില്ലാത്ത വീടിന്റെ വാതില്‍ തകര്‍ത്തു മോഷണം ശ്രമം. പെരുമ്പറമ്പു ശശി നിവാസില്‍ മോഹനന്റെ വീടിന്റെ വാതില്‍ തകര്‍ത്താണു മോഷണം നടന്നത്. ചികിത്സാര്‍ഥം കുറച്ചു ദിവസങ്ങളായി എറണാകുളത്തായിരുന്ന വിജയന്‍ രണ്ടു ദിവസം മുന്‍പാണു വീട്ടില്‍ വന്നു പോയത്. ഇന്നലെ വീട്ടിലെത്തിയപ്പോഴാണു വാതില്‍ തുറന്നു കിടക്കുന്നതു കണ്ടത്. അലമാരയിലെ സാധനങ്ങള്‍ വാരിവലിച്ചിട്ടിരുന്നെങ്കിലും ഒന്നും നഷ്ടപെട്ടിട്ടില്ല. കൂടാതെ പെരുമ്പറമ്പ് വിഷ്ണു ക്ഷേത്രത്തിലെ ഭണ്ഡാരവും ഇന്നലെ മോഷണം പോയി. പൊന്നാനി പൊലിസ് സ്ഥലത്തെത്തിയ അന്വേഷണം ആരംഭിച്ചു.