വടക്കാഞ്ചേരി: പല സ്ഥലങ്ങളില്‍ കറങ്ങി നടന്ന് നിരോധിത ലഹരി ഉല്‍പനമായ ഹാന്‍സ് വില്‍പന നടത്തുന്ന ദേശമംഗലം പള്ളം സ്വദേശിയായ മധ്യ വയസ്‌ക്കനെ വടക്കാഞ്ചേരി പൊലിസ് 480 പേക്കറ്റ് ഹാന്‍സുമായി പിടികൂടി. പള്ളം പുത്തന്‍പീടികയില്‍ അലി (46) നെയാണ് എസ്.ഐ ടി.ഡി ജോസിന്റെ നേതൃത്വത്തിലുള്ള പൊലിസ് സംഘം വടക്കാഞ്ചേരി ജില്ലാ ആശുപത്രി പരിസരത്തു നിന്ന് പിടികൂടിയത്. തമിഴ്‌നാട്ടില്‍ നിന്ന് വന്‍ തോതില്‍ ലഹരി വസ്തുക്കള്‍ എത്തിച്ച് ചില്ലറ വില്‍പനക്കാര്‍ക്ക് എത്തിച്ച് കൊടുക്കുന്ന വ്യക്തിയാണ് അലിയെന്നാണ് സൂചന.
ജില്ലാ ആശുപത്രി പരിസരത്തെ വിവിധ കടകളില്‍ ലഹരി ഉല്‍പന വില്‍പന നടക്കുന്നതായി നേരത്തെ പരാതി ഉയര്‍ന്നിരുന്നു ഇതിനെ തുടര്‍ന്നാണ് പൊലിസ് പരിശോധന നടത്തിയത്.