മല്‍കാങ്ഗിരി: ആന്ധ്ര-ഒഡീഷ അതിര്‍ത്തിയില്‍ സുരക്ഷാസേനയുമായുണ്ടായ ഏറ്റുമുട്ടലില്‍ 21 മാവോയിസ്റ്റുകള്‍ കൊല്ലപ്പെട്ടു. രണ്ട് പൊലിസുകാര്‍ക്ക് പരുക്കേറ്റു. മല്‍കാങ്ഗിരിയില്‍ നിന്നും 10 കിലോമീറ്റര്‍ അകലെയുള്ള ക്യാംപ് ആക്രമിച്ചാണ് മാവോയിസ്റ്റുകളെ വധിച്ചത്. ഇന്ന് പുലര്‍ച്ചെയായിരുന്നു ഏറ്റുമുട്ടല്‍.

60 ഓളം മാവോയിസ്റ്റുകള്‍ ഉള്‍പ്പെടുന്ന ക്യാംപിനു നേരെയാണ് പൊലിസ് ആക്രമണം നടത്തിയത്. മാവോയിസ്റ്റുകളുടെ യോഗം നടത്തുന്നതായി വിവരം ലഭിച്ചതിനെതുടര്‍ന്ന് ഇന്നലെ രാത്രിയോടെ തന്നെ സുരക്ഷാ സേന സ്ഥലത്തെത്തിയിരുന്നു. പ്രമുഖ മാവോയിസ്റ്റ് നേതാക്കളും യോഗത്തില്‍ പങ്കെടുക്കാന്‍ സാധ്യതയുള്ളതിനാല്‍ കൊല്ലപ്പെട്ടവരില്‍ ഇവരും ഉള്‍പ്പെട്ടിരിക്കുമെന്നാണ് സൂചന.

ഏറ്റുമുട്ടല്‍ നടന്ന പ്രദേശത്തു നിന്നും എ.കെ. 47 തോക്കുകളും ആയുധങ്ങളും പിടിച്ചെടുത്തു.മാവോയിസ്റ്റുകള്‍ക്ക് ശക്തമായ സ്വാധീനമുള്ള മേഖലയാണിത്.