കൊല്ലം: ഈ വര്‍ഷത്തെ പ്രസിഡന്റ്‌സ് ട്രോഫി ജലോത്സവത്തില്‍ മാറ്റുരയ്ക്കുന്നത് 16 ചുണ്ടന്‍ വള്ളങ്ങള്‍. രജിസ്‌ട്രേഷന്‍ പൂര്‍ത്തിയായപ്പോള്‍ കേരളത്തിലെ പ്രമുഖ ചുണ്ടന്‍ വള്ളങ്ങളെല്ലാം കൊല്ലത്തെ പോരാട്ടത്തിനുണ്ടാകുമെന്നുറപ്പായി.
നടുഭാഗം, സെന്റ് ജോര്‍ജ്, ശ്രീഗണേശന്‍, ആനാരി പുത്തന്‍ചുണ്ടന്‍, പായിപ്പാടന്‍, മഹാദേവന്‍, സെന്റ് പയസ്, ആയാപറമ്പ് വലിയ ദിവാന്‍ജി, ചമ്പക്കുളം, മഹാദേവി കാട്ടില്‍തെക്കതില്‍, കരുവാറ്റ ശ്രീവിനായകന്‍, വെള്ളംകുളങ്ങര, കാരിച്ചാല്‍, ജവഹര്‍തായങ്കരി, ദവസ്, ആയാപറമ്പ് പാണ്ടിഎന്നിവയെല്ലാം രജിസ്റ്റര്‍ ചെയ്തിട്ടുണ്ട്.
വെപ്പ് എ ഗ്രേഡില്‍ ആറും ബി ഗ്രേഡില്‍ രണ്ടും ഇരുട്ടുകുത്തി എ ഗ്രേഡില്‍ നാലും ബി ഗ്രേഡില്‍ ആറും വള്ളങ്ങളുണ്ടാകും. വനിതകള്‍ തുഴയുന്ന മൂന്ന് വള്ളങ്ങളും 11 അലങ്കാര വള്ളങ്ങളും ഉള്‍പ്പെടെ 48 വള്ളങ്ങളാണ് നവംബര്‍ ഒന്നിന് കൊല്ലത്ത് അഷ്ടമുടിക്കായലില്‍ ഇറങ്ങുക.വള്ളംകളിക്ക് മുന്നോടിയായുള്ള ക്യാപ്റ്റന്‍സ് ക്ലിനിക്കും ട്രാക്ക് ആന്റ് ഹീറ്റ്‌സ് നറുക്കെടുപ്പും ഇന്ന് നടക്കും.