തിരുവനന്തപുരം:ഇതുവരെയുള്ള അന്വേഷണത്തില്‍ വ്യാജമുട്ടകള്‍ ഉത്പാദിപ്പിക്കുകയോ വില്‍പന നടത്തുകയോ ചെയ്യുന്നില്ലെന്ന് ആരോഗ്യമന്ത്രി കെ.കെ ശൈലജ അറിയിച്ചു. ഇതുസംബന്ധിച്ചു പുറത്തുവന്ന വാര്‍ത്തകള്‍ അടിസ്ഥാന രഹിതമാണ്. വാര്‍ത്തകളുടെ അടിസ്ഥാനത്തില്‍ വിവിധഭാഗങ്ങളില്‍നിന്നായി സാമ്പിളുകള്‍ പരിശോധിച്ച് അവ യഥാര്‍ഥ കോഴിമുട്ടകളാണെന്നു ഉറപ്പുവരുത്തിയിട്ടുണ്ട്. കോഴിമുട്ടകള്‍ ശേഖരിച്ച് പരിശോധന തുടരുകയാണെന്നും മന്ത്രി അറിയിച്ചു. ഏതെങ്കിലും പ്രദേശങ്ങളില്‍ വ്യാജമുട്ടകള്‍ ഉത്പാദിപ്പിക്കുന്നവരെ കണ്ടെത്തിയാല്‍ കര്‍ശന നടപടി സ്വീകരിക്കും.