വള്ളിക്കുന്ന്: കടലുണ്ടിനഗരം ഹീറോസ് നഗര്‍ കരുവളപ്പില്‍ പറമ്പില്‍ ഒരു പറ്റം യുവാക്കളുടെ നേതൃത്വത്തില്‍ ജൈവകൃഷി ആരംഭിച്ചു.
കരുവളപ്പില്‍ ബാവാഹാജിയുടെ അധീനതയിലുള്ള അഞ്ച് ഏക്കറയോളം വരുന്ന ഭൂമിയില്‍ അഷ്‌റഫ് നഹയുടെ ചെലവിലാണ്  കൃഷി ആരംഭിച്ചത്.
വാഴ, എല്ലാ ഇനം പച്ചക്കറികളും കൃഷിയില്‍ ഉള്‍പ്പെടുത്തിയിട്ടുണ്ട്. കര്‍ഷക മിത്ര അവാര്‍ഡ് ജേതാവ് മുലപ്പാട്ട് അബ്ദുറസാഖാണ് കൃഷിക്ക് നേതൃത്വം നല്‍കുന്നത്. ഉദ്ഘാടന ചടങ്ങില്‍ കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കൃഷി ഓഫിസര്‍ സംഗീത, മെമ്പര്‍മാരായ കെ.പി ഹനീഫ, ഹസീന, ഉമ്മര്‍നഹമാസ്റ്റര്‍, കെ.സി സോമന്‍, ശ്രീമന്‍, പി.ടി സൈതലവി പങ്കെടുത്തു.