അമ്പലത്തറ: കോട്ടപ്പാറയില്‍ പലചരക്ക് കട കത്തിനശിച്ചു. കൊടവലത്തെ ലോഹിതാക്ഷന്റെ ഉടമസ്ഥതയിലുള്ള എം.എന്‍ സ്റ്റോറിനാണ് തീ പിടുത്തമുണ്ടായത്. ഞായറാഴ്ച രാത്രിയാണ് സംഭവം.
അടച്ച കടയില്‍ നിന്ന് പുകപടലങ്ങള്‍ ഉയരുന്നത് കണ്ട സമീപവാസികളാണ് ലോഹിതാക്ഷനെ വിവരമറിയിച്ചത്. തുടര്‍ന്ന് പൂട്ട് പൊളിച്ച് നോക്കിയപ്പോള്‍ കടയ്ക്കുള്ളിലുണ്ടായിരുന്ന സാധനങ്ങളെല്ലാം ഭാഗീകമായി കത്തിനശിച്ച നിലയിലായിരുന്നു.  
ഒന്നരലക്ഷം രൂപയുടെ നഷ്ടം കണക്കാക്കുന്നു. ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്ന് കരുതുന്നു. നാട്ടുകാരാണ് തീയണച്ചത്. ലോഹിതാക്ഷന് വ്യാപാരി വ്യവസായി ഏകോപന സമിതി അമ്പലത്തറ യൂണിറ്റിന്റെ അടിയന്തിര ധനസഹായം പ്രസിഡണ്ട് മഹമ്മൂദ് ഇന്നലെ രാവിലെ കൈമാറി.