ഊട്ടി: കാട്ടുപോത്ത് കാല്‍തെറ്റി വീട്ടിനുള്ളിലേക്ക് മറിഞ്ഞ് വീണു. മഞ്ചൂരിലാണ് സംഭവം. മഞ്ചൂര്‍ സ്വദേശി ബാബുവിന്റെ വീട്ടിനകത്തേക്കാണ് കാട്ടുപോത്ത് വീണത്.
ഇന്നലെ പുലര്‍ച്ചെ 2.30നാണ് സംഭവം. റോഡിന്റെ താഴ്ഭാഗത്ത് സ്ഥിതിചെയ്യുന്ന ഇവരുടെ വീട്ടിലേക്ക് റോഡില്‍ നിന്നാണ് കാട്ടുപോത്ത് വീണത്. ഭാഗ്യം കൊണ്ടാണ് ഇവര്‍ പരുക്കേല്‍ക്കാതെ രക്ഷപ്പെട്ടത്.
മേല്‍കുന്താ റെയ്ഞ്ചര്‍ രാമചന്ദ്രന്‍, ഫോറസ്റ്റര്‍ ശശിധരന്‍ എന്നിവരുടെ നേതൃത്വത്തിലുള്ള വനപാലക സംഘം സംഭവസ്ഥലത്തെത്തി പരിശോധന നടത്തി.