പുത്തനത്താണി: കുറ്റിപ്പുറം ഉപജില്ലാ ശാസ്‌ത്രോത്സവം ഇന്നു കല്ലിങ്ങല്‍പറമ്പ് എം.എസ്.എം ഹയര്‍ സെക്കന്‍ഡറി സ്‌കൂളില്‍ ആരംഭിക്കും. രണ്ടു ദിവസങ്ങളിലായി നടക്കുന്ന മത്സരങ്ങളില്‍ വിവിധ വിഭാഗങ്ങളിലായി രണ്ടായിരത്തോളം വിദ്യാര്‍ഥികള്‍ മാറ്റുരക്കും. രാവിലെ ഒന്‍പതിനു ജില്ലാപഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ ഉദ്ഘാടനം ചെയ്യും.
കല്‍പകഞ്ചേരി ഗ്രാമപഞ്ചായത്ത് പ്രസിഡന്റ് എന്‍. കുഞ്ഞാപ്പു അധ്യക്ഷനാകും. കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി മുഖ്യാതിഥിയാകും.
ടി.കെ സാബിറ, എ.പി സബാഹ്, ടി. അബ്ദു, ബാപ്പുട്ടി, ഷെരീഫ് കള്ളിയത്ത്, ഡി.ഇ.ഒ സി.സി ആന്റണി, എ.ഇ.ഒ പി.കെ ഇസ്മാഈല്‍ സംബന്ധിക്കും. നാളെ വൈകിട്ട് നാലിന് സമാപന സമ്മേളനവും സമ്മാനദാനവും നടക്കും.
വാര്‍ത്താസമ്മേളനത്തില്‍ ഭാരവാഹികളായ അസ്സന്‍ അമ്മേങ്കര, അബ്ദുറസാഖ്, അബ്ദുല്‍ ലത്തീഫ്, മനോജ് ജോസ്, സതീഷ് കുമാര്‍ പങ്കെടുത്തു.