മഞ്ചേരി: മഞ്ചേരിയില്‍  നടന്ന  ജില്ലാ ശാസ്ത്ര നാടക മത്സരത്തിന്റെ  വിധിനിര്‍ണയത്തില്‍   ക്രക്കേടു നടന്നതായി പരാതി. പന്തല്ലൂര്‍ പി.എച്ച്.എസ്. സ്‌കൂള്‍ സ്റ്റാഫ് കൗണ്‍സിലാണു മലപ്പുറം ഡി.ഡി, എ.ഇ.ഒ എന്നിവര്‍ക്കു പരാതി നല്‍കിയത്.   20നു നടന്ന സബ്ജില്ലാ മത്സരത്തില്‍ ഒന്നാംസ്ഥാനം  പി.എച്ച്.എസ് പന്തല്ലൂരിനും  രണ്ടാംസ്ഥാനം ജി.ബി.എച്ച്.എസ്.എസ് മഞ്ചേരിക്കുമായിരുന്നു.
അതേസമയം 22 -ന് അതേ വേദിയില്‍ നടന്ന ജില്ലാ ശാസ്ത്ര നാടക മത്സരത്തില്‍  പന്തല്ലൂര്‍ പി.എച്ച്.എസ്. സ്‌കൂളിനെ  അഞ്ചാം സ്ഥാനത്തേക്കു തഴഞ്ഞുവെന്നാണു പരാതിയില്‍ പറയുന്നത്.
ഒന്നാംസ്ഥാനം മഞ്ചേരി  ജി.ബി.എച്ച്.എസ്.എസിനായിരുന്നു.     ജില്ലാ മത്സരം നടത്തുമ്പോള്‍ മാധ്യമപ്രവര്‍ത്തകരുടെ സാന്നിധ്യം ഇല്ലായിരുന്നുവെന്നും നാടക മത്സരങ്ങള്‍ റെക്കോഡ് ചെയ്തില്ലെന്നും വിധി നിര്‍ണയത്തില്‍ ഒന്നാംസ്ഥാനം മാത്രമെ പ്രഖ്യാപിച്ചുള്ളുവെന്നും  പരാതിയിലുണ്ട്.
 26നു പാലക്കാട് വെച്ചു നടക്കുന്ന സംസ്ഥാന മത്സരത്തില്‍  പങ്കെടുക്കാനുള്ള അവസരം  ഉണ്ടാക്കണമെന്നും സ്‌കൂള്‍ അധികൃതര്‍  ആവശ്യപ്പെട്ടു.