മലപ്പുറം: നവംബര്‍ നാലിനു മലപ്പുറത്തു നടക്കുന്ന ശരീഅത്ത് സംരക്ഷണ റാലിയുടെ ഭാഗമായി ജില്ലയിലെ നാലുവീതം മണ്ഡലങ്ങളിലെ പ്രതിനിധികള്‍ പങ്കെടുത്ത ഏരിയാ കണ്‍വന്‍ഷനുകള്‍ പൂര്‍ത്തിയായി.  എല്ലാ പഞ്ചായത്തുകളിലും പ്രചാരണ കണ്‍വന്‍ഷനുകള്‍ അടുത്ത ദിവസങ്ങളില്‍ നടക്കും. പ്രചാരണ പ്രവര്‍ത്തനങ്ങള്‍ക്കായി പഞ്ചായത്ത് തല കോഡിനേറ്റര്‍മാരെ നിശ്ചയിച്ചു. ജില്ലയിലെ ആയിരത്തി അഞ്ഞൂറു മഹല്ലുകളില്‍ നിന്നും  നൂറു വീതം പ്രവര്‍ത്തകരെ റാലിയില്‍ പങ്കെടുപ്പിക്കും.നാലിനു ജുമുഅ നിസ്‌കാരത്തിനു ശേഷം മഹല്ലുകളില്‍ നിന്നുള്ള വാഹനങ്ങള്‍ പുറപ്പെടും.
ഏരിയാ കണ്‍വന്‍ഷന്‍ മലപ്പുറത്ത് പി.എ.ജബ്ബാര്‍ ഹാജി ഉദ്ഘാടനം ചെയ്തു. കാളാവ് സൈതലവി മുസ്‌ലിയാര്‍ അധ്യക്ഷനായി.സമസ്ത  മുശാവറ അംഗം ടി.പി.ഇപ്പ മുസ്‌ലിയാര്‍, ബി.എസ്.കെ.തങ്ങള്‍,കെ.എസ്.ഇബ്‌റാഹീം മുസ്‌ലിയാര്‍,സത്താര്‍ പന്തലൂര്‍, കെ.ടി.ഹുസെന്‍കുട്ടി മൗലവി, നാസറുദ്ദീന്‍ ദാരിമി, എന്‍.ടി.സി മജീദ് പ്രസംഗിച്ചു.ഹസന്‍ സഖാഫി പൂക്കോട്ടൂര്‍ സ്വാഗതവും ഷാഹുല്‍ ഹമീദ് മേല്‍മുറി നന്ദിയും പറഞ്ഞു.
പൂക്കിപ്പറമ്പില്‍ സയ്യിദ് ഫഖ്‌റുദ്ദീന്‍ഹസനി തങ്ങള്‍ കണ്ണന്തളി ഉദ്ഘാടനം ചെയ്തു. സി.എച്ച്.ത്വയ്യിബ് ഫൈസി അധ്യക്ഷനായി. യു.ശാഫി ഹാജി, എം.എ.ചേളാരി, എം.എ.ഖാദര്‍, അബ്ദുല്‍ ഖാദിര്‍ ഫൈസി കുന്നുംപുറം, കെ.എം.സൈതലവി ഹാജി, സയ്യിദ് മുഈനുദ്ദീന്‍ ജിഫ്‌രി തങ്ങള്‍, ഹംസ ഹാജി മൂന്നിയൂര്‍, അഷ്‌റഫ് മുസ്‌ലിയാര്‍, മുസ്തഫ ദാരിമി, ബഷീര്‍ ബാഖവി പൊന്‍മള, കെ.വി.ബീരാന്‍ മാസ്റ്റര്‍, ഇബ്‌റാഹീം മുസ്‌ലിയാര്‍ എടരിക്കോട്, കുഞ്ഞുട്ടി മുസ്‌ലിയാര്‍ ചാപ്പനങ്ങാടി, മൊയ്തീന്‍ കുട്ടി മുസ്‌ലിയാര്‍ വെളിമുക്ക്, ഒ.കെ.എം. കുട്ടി ഉമരി പ്രസംഗിച്ചു. അബ്ദുല്‍ ഖാദിര്‍ ഖാസിമി സ്വാഗതവും സിദ്ദീഖ് ഫൈസി വാളക്കുളം നന്ദിയും പറഞ്ഞു.
തിരൂരില്‍ സത്താര്‍ പന്തലൂര്‍ ഉദ്ഘാടനം ചെയ്തു.കെ.കെ.എസ്.തങ്ങള്‍ അധ്യക്ഷനായി. ആലപ്പുഴ മുഹമ്മദ് മുസ്‌ലിയാര്‍, പുറങ്ങ് മൊയ്തീന്‍ മുസ്‌ലിയാര്‍, ഖാസിം ഫൈസി പോത്തന്നൂര്‍, പി.എം.റഫീഖ് അഹമ്മദ്, കീഴേടത്ത് ഇബ്‌റാഹീം ഹാജി,  ,വി.കെ.എച്ച്.റശീദ് , സാദിഖ് ഫൈസി താനൂര്‍, ശഹീര്‍ അന്‍വരി പുറങ്ങ്, റശീദ് ഫൈസി തവനൂര്‍ സംസാരിച്ചു.