സുല്‍ത്താന്‍ ബത്തേരി: ബത്തേരി-വടക്കനാട്ടില്‍ വനം വകുപ്പ് ഉദ്യോഗസ്ഥരെ ആക്രമിച്ച് പ്രതിയെ മോചിപ്പിച്ച കേസിലെ പ്രതികളെ അറസ്റ്റ് ചെയ്തു. ഒന്നാം പ്രതി വടക്കനാട് മാടപ്പാട്ട്  എം.ജെ സജി (38), മൂന്നും നാലും പ്രതികളായ വടക്കനാട് പുത്തങ്കുടി പി.കെ വിനീത്, വടക്കനാട് പുളര്‍ക്കാട് പി.കെ വേണു (50) എന്നിവരെയാണ് പൊലിസ് അറസ്റ്റ് ചെയ്തത്.
 മാനന്തവാടി എ.എസ്.പി ജി ജെയ്‌ദേവിന്റെ നേതൃത്വത്തിലുള്ള സംഘമാണ് ബത്തേരിയില്‍ നിന്നും ഇന്നലെ ഉച്ചയോടെ പ്രതികളെ പിടികൂടിയത്. കല്‍പ്പറ്റ അഡ്‌ഹോക്ക് കോടതിയില്‍ ഹാജരാക്കിയ ഇവരെ കോടതി 14 ദിവസത്തേക്ക് റിമാന്‍ഡ്  ചെയ്തു.