പരപ്പനങ്ങാടി: റേഷന്‍ വിതരണം നിര്‍ത്തലാക്കിയ ഇടതുസര്‍ക്കാര്‍ നടപടിയില്‍ പ്രതിഷേധിച്ച് തിരൂരങ്ങാടി മണ്ഡലം യൂത്ത് കോണ്‍ഗ്രസ് കമ്മിറ്റിയുടെ നേതൃത്വത്തില്‍ പരപ്പനങ്ങാടിയില്‍ പ്രതിഷേധ പ്രകടനവും സൗജന്യ അരി വിതരണവും  നടത്തി. സംസ്ഥാന ജനറല്‍ സെക്രട്ടറി പി ഇഫ്തിഖാറുദ്ദീന്‍ ഉദ്ഘാടനം ചെയ്തു. എം അനീഷ്‌കുമാര്‍ അധ്യക്ഷനായി. പി.ഒ അബ്ദുല്‍സലാം, കെ.എം ഭരതന്‍, എ ശ്രീജിത്ത്, തടത്തില്‍ അലിമോന്‍, സജിത്ത് കാച്ചീരി, യു.വി നിസാര്‍, ഷാജു കാട്ടകത്ത് സംസാരിച്ചു. റസാഖ് തൂമ്പത്ത്, അന്‍സാര്‍ കുറ്റിയില്‍, വി.കെ ഉമേഷ്, സാദിഖ് ഇഖ്‌വ, ശഫീഖ് ഉള്ളണം, എം.വി സഫ്‌വാന്‍ പ്രകടനത്തിന് നേതൃത്വം നല്‍കി.