കുറ്റ്യാടി: ക്ഷേത്ര അനുഷ്ഠാന തെയ്യംകെട്ടിയാട്ട സംഘടനയുടെ ജില്ലാ സമ്മേളനം നാളെ  മുതല്‍ 30 വരെ തൊട്ടില്‍പാലത്ത് നടക്കും. നാളെ വൈകിട്ട്  പൊതുസമ്മേളന നഗരിയില്‍ പ്രദീപന്‍ മുക്കാളി പതാക ഉയര്‍ത്തും.
29നു നടക്കുന്ന പ്രതിനിധി സമ്മേളനം മഹാത്മാഗാന്ധി സര്‍വകലാശാല പ്രൊഫ. ഡോ. രാജേഷ് കോമത്ത് ഉദ്ഘാടനം ചെയ്യും. 30നു വൈകിട്ട് നടക്കുന്ന പൊതുസമ്മേളനം മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. ഇ.കെ  വിജയന്‍ എം.എല്‍.എ അധ്യക്ഷനാകും.
എം.എല്‍.എമാരായ പാറക്കല്‍ അബ്ദുല്ല, പുരുഷന്‍ കടലുണ്ടി എന്നിവരും ജനപ്രതിനിധികളും പങ്കെടുക്കുമെന്ന് പ്രദീപ് മുക്കാളി, ഒ.കെ ഗംഗാധരന്‍, ദിനേശ്കുമാര്‍, പി.പി അനീഷ് മുയിപ്പോത്ത്, സി.കെ ബാബു, ചന്തുപ്പണിക്കര്‍ എന്നിവര്‍ പത്രസമ്മേളനത്തില്‍ അറിയിച്ചു.