കൊച്ചി: ദേശീയ ആയുര്‍വേദ ദിനാചരണത്തിന്റെ ഭാഗമായി തൃപ്പൂണിത്തുറ ഗവ.ആയുര്‍വേദ കോളജിന്റെ ആഭിമുഖ്യത്തില്‍ 28ന് സൗജന്യ ആയുര്‍വേദ ആരോഗ്യ എക്‌സ്‌പോ നടത്തുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു.
ആയുര്‍വേദത്തിന്റെ പ്രത്യേകതയും പ്രമേഹ ചികിത്സയില്‍ ആയുര്‍വേദത്തിന്റെ സാധ്യതകളെയും കുറിച്ച് പൊതുജനങ്ങളില്‍ അവബോധമുണ്ടാക്കുന്ന നിരവധി സ്റ്റാളുകള്‍ പ്രദര്‍ശനത്തിലുണ്ടാകുമെന്ന് കോളജിലെ പ്രൊഫ. ഡോ. സുനില്‍ജോണ്‍ പറഞ്ഞു. വാര്‍ത്താസമ്മേളനത്തില്‍ എക്‌സ്‌പോ രക്ഷാധികാരി ഡോ. ടി രശ്മി, എസ് മീര എന്നിവരും പങ്കെടുത്തു.