ന്യൂഡല്‍ഹി: ഡല്‍ഹി മുന്‍ വനിതാ കമ്മീഷന്‍ അംഗത്തെ ഭര്‍ത്താവ് കാറിനുള്ളില്‍ കുത്തിക്കൊലപ്പെടുത്തി. മുകേഷ് മോംഗയെന്ന അറുപതുകാരനാണ് ഭാര്യ മഞ്ജു മോംഗയെ കൊലപ്പെടുത്തിയത്. തെക്കന്‍ ഡല്‍ഹിയിലെ ആനന്ദ് നികേതനില്‍ ബുധനാഴ്ച രാവിലെ 11.30 ഓടെയായിരുന്നു സംഭവം. മഞ്ജു ഇതിന് സമീപത്താണ് ജോലി ചെയ്തിരുന്നത്.

മദ്യ ലഹരിയിലായിരുന്ന മുകേഷ് മഞ്ജുവിന്റെ കഴുത്തിലും മാറിലും നിരവധി തവണ കുത്തി. മഞ്ജുവിന് ഒരു ഫോണ്‍കോള്‍ വന്നതിനെതുടര്‍ന്നുണ്ടായ തര്‍ക്കമാണ് കൊലപാതകത്തില്‍ കലാശിച്ചത്. ഇതിനിടെ രക്ഷപ്പെടാന്‍ ശ്രമിച്ച ഇയാളെ സെക്യൂരിറ്റി അറിയിച്ചതിനെ തുടര്‍ന്ന് പൊലിസ് എത്തി പിന്തുടര്‍ന്ന് പിടികൂടുകയായിരുന്നു.