കൊല്ലം: ശ്രീനാരായണ ഗുരുവിന്റെ നമുക്ക് ജാതിയില്ല വിളംബരത്തിന്റെ ശതാബ്ദി ആഘോഷങ്ങളുടെ ജില്ലാതല പരിപാടികള്‍ക്കു മുന്നോടിയായി സംഘടിപ്പിക്കുന്ന ബുള്ളറ്റ് റാലി ഇന്ന് കൊല്ലത്തു നടക്കും. ഉച്ചകഴിഞ്ഞ് മൂന്നിന് കലക്‌ട്രേറ്റില്‍നിന്ന് ആരംഭിക്കുന്ന റാലി ജില്ലാ കലക്ടര്‍ മിത്ര റ്റി. ഫ്‌ളാഗ് ഓഫ് ചെയ്യും. സിറ്റി പൊലിസ് കമ്മിഷണര്‍ സതീഷ് ബിനോ നയിക്കുന്ന റാലി നഗരംചുറ്റി കൊല്ലം ബീച്ചില്‍ സമാപിക്കും. ജില്ലാ ബുള്ളറ്റ് യൂസേഴ്‌സ്(റോയല്‍ എന്‍ഫീല്‍ഡ്)  ക്ലബ് അംഗങ്ങള്‍ക്കൊപ്പം പൊലിസ്, ഫയര്‍ ഫോഴ്‌സ്, എക്‌സൈസ് വകുപ്പുകളിലെ ഉദ്യോഗസ്ഥരും അണിനിരക്കും.