മുട്ടം:  മുട്ടം ഷന്താള്‍ ജ്യോതി പബ്ലിക്ക് സ്‌കൂളില്‍ നടക്കുന്ന സര്‍ഗോത്സവ്- 2016 സെന്‍ട്രല്‍ കേരള സഹോദയ സി.ബി.എസ്.ഇ സ്‌കൂള്‍ കലോത്സവത്തിന്റെ നാലാം ദിനം വിവിധ വിഭാഗങ്ങളില്‍ 26 ഇനങ്ങള്‍ പൂര്‍ത്തിയായപ്പോള്‍ 509 പൊയിന്റുമായി കൂത്താട്ടുകുളം മേരിഗിരി പബ്ലിക് സ്‌കൂള്‍ മുന്നേറുന്നു.
496 പൊയിന്റുമായി മുവാറ്റുപുഴ നിര്‍മ്മല പബ്ലിക് സ്‌കൂള്‍ കടുത്ത വെല്ലുവിളിയുമായി തൊട്ടു പിന്നിലുണ്ട്. 414 പൊയിന്റുമായി തൊടുപുഴ ജയ്‌റാണി പബ്ലിക് സ്‌കൂളാണ് മൂന്നാമത്.
പെണ്‍കുട്ടികളുടെ ഒപ്പന മത്സരത്തില്‍ (കാറ്റഗറി നാല്) കൂത്താട്ടുകുളം മേരിഗിരി പബ്ലിക് സ്‌കൂളും മുളന്തുരുത്തി സെന്റ് എഫ്രേം സെമിനാരി പബ്ലിക് സ്‌കൂളും ഒന്നാം സ്ഥാനം പങ്കിട്ടു.
കാറ്റഗറി മൂന്ന് ഓട്ടന്‍തുള്ളലില്‍ തൊടുപുഴ ജയ്‌റാണി പബ്ലിക് സ്‌കൂളിലെ കൃഷ്ണ രാജേഷ് ഒന്നാംസ്ഥാനം നേടി.
സമാപന ദിനമായ വെള്ളിയാഴ്ച വിവിധ വിഭാഗങ്ങളിലായി 29 ഇനങ്ങളില്‍ മത്സരങ്ങള്‍ അരങ്ങേറും. മാര്‍ഗ്ഗംകളി, കോല്‍കളി, ദഫ് മുട്ട്, മിമിക്രി, സംഘനൃത്തം, നാടോടിനൃത്തം എന്നീ ഇനങ്ങളില്‍ മത്സരമുണ്ടാവും. ഇന്ന് വൈകിട്ട് 5.30ന് ചേരുന്ന സമാപന സമ്മേളനത്തില്‍ പി.ജെ ജോസഫ് എം.എല്‍.എ, കലക്ടര്‍ ജി.ആര്‍ ഗോകുല്‍, സിനിമാ താരം ദേവന്‍ എന്നിവര്‍ പങ്കെടുക്കും.