ആലപ്പുഴ: പക്ഷിപ്പനി ബാധിച്ച്  ചത്ത  താറാവുകളെ  തീയിട്ട്  നശിപ്പിക്കുന്നത്  ഇന്നും തുടരുന്നു. ഇതുവരെ 9000ല്‍ അധികം താറാവുകളെ ജില്ലയില്‍ നശിപ്പിച്ചിട്ടുണ്ട്.

ജില്ലാ തലത്തില്‍ രൂപീകരിച്ച ദ്രുതകര്‍മ സേനയുടെ നേതൃത്വത്തിലാണ് പ്രവര്‍ത്തനങ്ങള്‍.

പ്രത്യേകമായി നിരീക്ഷിക്കുന്ന താറാവുകളെ രോഗലക്ഷണങ്ങള്‍ കാണുന്നമുറയ്ക്കാണ് കൊല്ലുന്നത്.

ഇന്നലെ   500  ഓളം  താറാവുകളെ  തീയിട്ട്  നശിപ്പിച്ചത്. രോഗലക്ഷണങ്ങള്‍  കണ്ടെത്തിയ  താറാവുകളെ  കൊന്നതിന്  ശേഷം  പാടത്തിട്ട്  കത്തിക്കുകയാണ്.

എന്നാല്‍ താറാവുകളെ നേരത്തെ സംസ്‌ക്കരിച്ചതിന്റെ അവശിഷ്ടങ്ങള്‍ പലയിടങ്ങളില്‍ കിടന്ന് ദുര്‍ഗന്ധം പരത്തുകയാണ്. ഇവ വേണ്ട വിധം കുഴിച്ച് മൂടിയില്ലെന്നാണ് നാട്ടുകാരുടെ പരാതി.