ചൊക്ലി : ചൊക്ലി ഉപജില്ല ശാസ്ത്രമേള കരിയാട് നമ്പ്യാര്‍ സ് ഹയര്‍ സെക്കന്ററി സ്‌ക്കൂളില്‍ ഡയറ്റ് പ്രിന്‍സിപ്പാള്‍ സി.എം.ബാലകൃഷ്ണന്‍ ഉദ്ഘാടനം ചെയ്തു, എ.ഇ.ഒ ശ്രീവത്സന്‍ അദ്ധ്യക്ഷനായി,  കരിയാട് കെ.എന്‍.യു.പി., എം ഇ എസ് സ്‌ക്കൂള്‍, പുതുശ്ശേരി ഗവ: യു പി സ്‌കൂള്‍ എന്നിവിടങ്ങളിലായി നടന്ന മേളയില്‍ രണ്ടായിരത്തില്‍പരം പ്രതിഭകള്‍ പങ്കെടുത്തു.ശാസ്ത്ര സാമൂഹ്യ ശാസ്ത്രമേളയില്‍ ഹയര്‍ സെക്കന്ററി വിഭാഗത്തില്‍ കെ.എന്‍.എച്ച്.എസ് എസും, ഗണിത ശാസ്ത്രമേളയില്‍ പെരിങ്ങത്തൂര്‍ എന്‍.എ.എ.എം.എച്ച്.എസ്എസ്..കരിയാട് കെ.എന്‍.എച്ച്.എസ് എസ്  ചാംപ്യന്‍മാരായി.
ഹൈസ്‌ക്കൂള്‍ വിഭാഗം ശാസ്ത്ര, ഗണിതശാസ്ത്ര, ഐ.ടി. മേളയില്‍ ചൊക്ലി ആര്‍.വി.എച്ച്.എസ്.എസും, പ്രവൃത്തി പരിചയമേളയില്‍ പെരിങ്ങത്തൂര്‍ എന്‍.എ.എം.എച്ച്.എസ്.എസും ചാംപ്യന്‍മാരായി. യു.പി.വിഭാഗം ശാസ്ത്രമേളയിലും, എല്‍.പി.യു.പി വിഭാഗം പ്രവൃത്തി പരിചയമേളയിലും ചമ്പാട് വെസ്റ്റ് യു.പി സ്‌ക്കൂള്‍ ചാമ്പ്യന്‍ഷിപ്പ് നേടി.
ഹയര്‍സെക്കന്ററി വിഭാഗത്തില്‍ ചൊക്ലി രാമവിലാസവും ചാമ്പ്യന്‍ ഷിപ്പ് കരസ്ഥമാക്കി.സമാപന സമ്മേളനം നഗരസഭ കൗണ്‍സിലര്‍ ഇ.കെ മനോജ് ഉദ്ഘാടനം ചെയ്തു.എ.ഇ.ഒ ശ്രീവത്സന്‍ ട്രോഫികള്‍ വിതരണം ചെയ്തു. ജയതിലകന്‍, എ.എം രാജേഷ്, എസ് സജീഷ് പ്രസംഗിച്ചു