ഹരാരെ: സിംബാബ്‌വേക്കെതിരായ ഒന്നാം ക്രിക്കറ്റ് ടെസ്റ്റില്‍ ശ്രീലങ്ക ശക്തമായ നിലയില്‍. ഒന്നാം ദിനം കളി നിര്‍ത്തുമ്പോള്‍ അവര്‍ നാലു വിക്കറ്റ് നഷ്ടത്തില്‍ 317 റണ്‍സെന്ന നിലയില്‍. ടോസ് നേടി ബാറ്റിങ് തിരഞ്ഞെടുത്ത ലങ്കക്കായി കുശാല്‍ പെരേര  സെഞ്ച്വറിയുമായി (110) തിളങ്ങി. കുശാല്‍ സില്‍വ (94), കരുണരത്‌നെ (56) എന്നിവരും തിളങ്ങി. കളി നിര്‍ത്തുമ്പോള്‍ 13 റണ്‍സുമായി തരംഗയും 10 റണ്‍സുമായി ധനഞ്ജയ സില്‍വയും ക്രീസില്‍. സിംബാബ്‌വേക്കായി നായകന്‍ ക്രെമര്‍ മൂന്നു വിക്കറ്റുകള്‍ വീഴ്ത്തി.