കോഴിക്കോട്: മനോരോഗ വിദഗ്ധന്‍ ഡോ.അനീസ് അലി രചിച്ച 'മനോരോഗങ്ങളും ശരിയായ ചികിത്സയും' പുസ്തകത്തിന്റെ പരിഷ്‌കരിച്ച മൂന്നാംപതിപ്പ് പ്രകാശനം ചെയ്തു. കോഴിക്കോട് അസ്മ ടവറില്‍ നടന്ന ചടങ്ങില്‍ എം.കെ രാഘവന്‍ എം.പി ഐ.എം.എ കോഴിക്കോട് ജില്ലാ പ്രസിഡന്റ് ഡോ. പി.എന്‍  അജിതക്ക് പുസ്തകം കൈമാറി. പ്രൊഫ.മുഹമ്മദ് ഹസന്‍ അധ്യക്ഷനായ ചടങ്ങില്‍ സുപ്രഭാതം മാനേജിങ് എഡിറ്റര്‍ നവാസ് പൂനൂര്‍, ഡോ.മോഹന്‍ ചന്ദ്രന്‍, ഡോ.സാബു റഹ്മാന്‍, ഡോ.പി.കെ അശോകന്‍, പ്രസ്‌ക്ലബ് പ്രസിഡന്റ് കമാല്‍ വരദൂര്‍, അഡ്വ.എം. രാജന്‍, ഡോ.അനീസ് അലി, ഡോ.ജവഹര്‍ അലി സംബന്ധിച്ചു.